ኃይሌ ገብረ ሥላሴ ፊቱን ወደ ወርቅ ማዕድን አዞረ

-በ29 ሺሕ ካሬ ሜትር ውስጥ ወርቅ ለማምረት ማስጠናት ጀምሯል

ታዋቂው አትሌት ኃይሌ ገብረ ሥላሴ ከፍተኛ ኢንቨስትመንት በሚጠይቀው የማዕድን ዘርፍ ውስጥ በመግባት፣ በደቡብ ክልል ለወርቅ ማምረቻ በተረከበው ቦታ ላይ የመጀመሪያ ደረጃ ጥናት ማጠናቀቁ ታወቀ፡፡

ከሌሎች ኢትዮጵያውያን ጋር በመሆን በሽርክና ወርቅ ለማምረት የተቋቋመው አዲሱ ኩባንያ ላጋሉላ የሚል ስያሜ አለው፡፡ የኩባንያው ስያሜ የተወሰደው ለወርቅ ማምረቻ ከተመረጠው አካባቢ መጠሪያ ነው፡፡ አዲሱ ኩባንያ ለመጀመሪያ ደረጃ ጥናቱ የተረከበው መሬት 29 ሺሕ ካሬ ሜትር መሆኑን፣ በቅርቡም ተጨማሪ ቦታ ለመጨመር ዕቅድ እንዳለው ኃይሌ ለሪፖርተር ገልጿል፡፡ ወርቅ በማምረት ታዋቂ ከሆነ አንድ የደቡብ አፍሪካ ኩባንያ ጋር ድርድር እያደረገ መሆኑንም ለማወቅ ተችሏል፡፡ 

በአሁኑ ጊዜ የመጀመሪያ ደረጃ ጥናቱ የተጠናቀቀ በመሆኑ፣ ቀሪ ሁለት ጥናቶች ከተካሄዱ በኋላ ወደ ምርት ይገባል፡፡ ወርቅ ማምረት ከፍተኛ ኢንቨስትመንት የሚጠይቅ መሆኑን የገለጸው ኃይሌ፣ የፈለገውን ያህል ወጪ ቢጠይቅ በዚህ ዘርፍ በመሰማራት የአገሪቱን የወጪ ንግድ ለማሳደግ የበኩሉን አስተዋጽኦ ለማበርከት መቁረጡን አስረድቷል፡፡

የአገሪቱ የወደፊት አቅጣጫ በወጪ ንግድ ላይ የተመሠረተ መሆን አለበት የሚል እምነት እንዳለው የሚገልጸው ኃይሌ፣ ወደ ወርቅ ምርት ኢንቨስትመንት ለመግባት ባደረገው ጥናት አገሪቱ ከፍተኛ የሆነ የወርቅ ሀብት እንዳላትና አዋጭ የሆነ የኢንቨስትመንት ዘርፍ እንደሆነ መመልከቱን አስታውቋል፡፡ 

አትሌቱ በዘርፉ በማድረግ ያለውን እንቅስቃሴ የጀመረው ላጋሉላ የወርቅ ማምረቻ ኩባንያ ከመቋቋሙ ቀደም ብሎ የቡናና የቅመማ ቅመም እርሻ ሲጀምር መሆኑን ገልጿል፡፡ ለዚሁ የእርሻ ኢንቨስትመንቱም በደቡብ ክልል ማሻ ወረዳ ከ1,500 ሔክታር መሬት በላይ መረከቡ ይታወሳል፡፡ እስካሁንም ለእርሻ ሥራው ከ70 ሚሊዮን ብር በላይ ወጪ ማድረጉንና ከ400 በላይ የሚሆኑ ሠራተኞችን መቅጠሩን ይናገራል፡፡  

በአሁኑ ወቅትም በ200 ሔክታር መሬት ላይ የቡና ተከላ መጀመሩ ተገልጿል፡፡ አትሌት ኃይሌ አዲሱን ኩባንያ ሳይጨምር አሁን በተሰማራባቸው የሆቴል፣ የሪል ስቴትና ሌሎች የተለያዩ መስኮች ከአንድ ቢሊዮን ብር በላይ ኢንቨስትመንት እንደሚያንቀሳቅስ ይነገራል፡፡     

 ምንጭ ሪፖርተር ጋዜጣ

የዜጎች መፍለስ ለተቃዋሚዎች እየበጀ መሆኑን ኢህአዴግ ገለጸ

ጳጉሜ ፩(አንድ)ቀን ፳፻፭ ዓ/ም ኢሳት ዜና :-የግንባሩ ልሳን የሆነው  አዲስ ራእይ እንደገለጸው በህገወጥ መንገድ የሚፈልሱ ሰዎች የመንግስትን ፕሮግራሞች የማይደግፉ ሀይሎችን በመቀላቀል፣ ከጸረ ህዝቦች ጎን እንዲሰለፉ እየተደረጉ በመሆኑ አደጋ ደንቅረዋል።

ልሳኑ ” የዜጎች በህገወጥ መንገድ መፍለስ ለፖለቲካ ፍጆታ በር እንደሚከፍት መታሰብ ያለበት ጉዳይ ነው” ካለ በሁዋላ ” በአሁኑ ወቅት በአገራችን እየተገነባ ያለው የዲሞክራሲ ስርአት ግንባታ መልካም አስተዳደርና ከድህነት ለመውጣት እያደረግን አለነው ትግል የማይጥማቸውና የሚያጣጥሉ ሀይሎች የዜጎቻችንን መፍለስ በተለያዩ ብዙሀን መገናኛ የተለያዩ አፍራሽ ምክንያቶችን በመስጠት እያናፈሱ መሆኑ በግልጽ የሚታወቅ ነው። ስለሆነም በህገ ወጥ መንገድ የወጡ ዜጎች መብት መጣስና ደህንነት መጎዳት ጎን ለጎን ለጸረ ህዝብ ተግባር እንዲሰለፉ እየተረጉ መሆኑን አጽንኦት መስጥትና መከላከል ይገባል” ብሎአል።

ልሳኑ ከትዳራቸው ተለያይተው ወደ ውጭ የሚፈልሱ ሴቶች ቁጥር ከ90 በመቶ በላይ መድረሱን ገልጾ፣ ይህን የህዝብ ቁጥርን ከማዛባት በተጨማሪ በአገር ላይ ማህበራዊ ቀውስ ያስከትላል ብሎአል።

ዜጎች በድህነትና ስራ አጥነት፣ በህበረተሰቡ የተሳሳተ ግንዛቤ ፣ በአገር ውስጥ ያለውን ስራ እድል በመናቅ እየፈለሱ እንደሚሄዱ ልሳኑ ገልጻል።

ህዝቡን ከማስተማር በተጨማሪ በኬላዎች ላይ የተጠናከረ ቁጥጥር መደረግ እንዳለበትም በመፍትሄነት አስቀምጧል።

በሰሜን ወሎና በአንዳንድ የደቡብ አካባቢዎች  ተማሪዎች ብቻ ሳይሆኑ ምምህራንም በገፍ እየተሰደዱ መሆኑን የሚደርሱን ዘገባዎች ያመለክታሉ።

ብዙዎች እንደሚሉት በአገሪቱ ውስጥ ያለው የተስፋ መቁረጥና የተስፋ እጦት ዜጎች አገራቸውን ጥለው እንዲሰደዱ እያደረጋቸው ነው።

ኢህአዴግ በህገወጥ መንገድ የሚሰደዱ ዜጎች ከተቃዋሚዎች ጎን መሰለፋቸው እንዳሳሰበው ሲገልጽ ይህ ለመጀመሪያ ጊዜ ነው።

ዓለም ጀርመንን የሚያስወቅሰው የዊኪሊክስ ዘገባ 06.09.2013

• ቀን 06.09.2013

የዊኪሊክስ መስራች ጁልያን አሳንጅ፣ ለንደን በሚገኘው የኢኳዶር ኤምባሲ ጥገኝነት ከጠየቀ በኋላ ስለ ዊኪሊክስ ብዙ መባሉ ቀንሶ ነበር።

ከትናንት ጀምሮ «ዙድ ዶይቸ» የሚባለው የጀርመን ዕለታዊ ጋዜጣ ላይ የሚነበበው ግን፣ በተለይ ጀርመንን ያስወቅሳል። ይህም የጀርመን ኩባንያዎች ምሥጢራዊ መረጃዎችን ሰብስበው ለአንዳንድ መንግሥታት እንደሚሸጡ ጋዜጣው የዊኪሊክስን ሰነድ መሠረት አድርጎ ዘግቧል። ጉዳዮን ይልማ ኃይለሚካኤል ከበርሊን ተከታትሎታል።

ይልማ ኃይለሚካኤል

ልደት አበበ

ተክሌ የኋላ

AUDIOS AND VIDEOS ON THE TOPIC

የዊኪሊክስ ዘገባ

የቀድሞ ደህንነት ሹም እየተገረፈ ነው！ (ከኢየሩሳሌም አርአያ)

ከአዲስ አበባ ፖሊስ ምንጮች አሁን በደረሰኝ መረጃ የአገር ውስጥ ደህንነት ሃላፊ የነበረው አረመኔው ወ/ስላሴ ወ/ሚካኤል በማእከላዊ ወንጀል ምርመራ መገረፉን አስታውቀዋል። የአዜብና መለስ ቀኝ እጅ የነበረው ይህ ጨካኝ የደህንነት ሹም በስልጣን በነበረበት ወቅት እነ ጄኔራል አሳምነውን በመደብደብ፣ አይናቸውን በቦክስ በመምታት ከፍተኛ የጭካኔ ተግባር ይፈፅም እንደነበረ ምንጮች አስታውሰዋል። በ1997-98 ዓ.ም በሺህ የሚቆጠሩ ሰላማዊ ወገኖች እንዲገደሉ፣ እንዲታሰሩና አሰቃቂ ግፍ እንዲፈፀምባቸው ያደረገው ወ/ስላሴ መሆኑን አያይዘው ገልፀዋል። በርካታ ሰዎች ከመግረፍና ከማሰቃየት ባለፈ በጥይት ደብድቦ ይገድል እነደነበረ አመልክተዋል። የቤተመንግስት የጥበቃ ሃላፊ አቶ ዘርኡ መለስ አንገታቸውን በስለት በማረድ እንዲሁም የመንገድ ት/ሚኒስትሩን አቶ አየነው ቢተውልኝን በገመድ አንቆ የገደለው ወ/ስላሴ መሆኑን ከዚህ ቀደም መገለፁ ይታወሳል። ወ/ስላሴ በትላንትናው እና በዛሬው እለት ሁለት ጊዜ መገረፉን ምንጮች አረጋግጠዋል።

ምንጭ የኢትዮጵያ ሜዲያ መድረክ

"የሚሊዮኖች ድምፅ ለነፃነት " የ3ወር መርሃ-ግብር በታላቅ ሰላማዊ ሰልፍ ይጠናቀቃል!

September 5, 2013 6:31 am

አንድነት ለዴሞክራሲና ለፍትህ ፓርቲ(አንድነት) ሰላማዊ የፖለቲካ ትግል እንቅስቃሴ የበለጠ ተጠናክሮ ህዝቡ የትግሉ መሪ ተዋናይና ባለቤትነት እንዲረጋገጥ ላለፉት ሶስት ወራት ፓርቲያችን ባስቀመጠው ስትራቴጂ እቅድ መሠረት ሰፊ ህዝባዊ ንቅናቄ ሲያደርግ ቆይቱዋል፡፡

በሃገራችን ዘርፈ ብዙ ችግሮች ማለትም ፖለቲካዊ፤ ማህበራዊና ኢኮኖሚያዊ እንዲሁም የዜጎች ሰብአዊና ዴሞክራሲያዊ መብቶች መረገጥ ፓርቲያችን “የሚሊዮኖች ድምፅ ለነፃነት” በሚል ሰኔ 13 ቀን 2005 በይፋ ለጀመረው ሕዝባዊ ንቅናቄ ፖለቲካዊ ምክንያቶች ናቸው፡፡

ሕዝባዊ ንቅናቄው በእቅድ መመራት ከመጀመሩ በፊት ሀገራችን የምትገኝበትን ነባራዊ ሁኔታና የህዝባችን ተጨባጭ ኑሮ ላይ ጥናት በማድረግ የመፍትሄ አማራጮችን ማቅረቡ የፓርቲያችን አብይ ጥያቄ ሆኖ መገኘቱም የንቅናቄውን ወቅታዊነት ያገናዘበ አድርጎታል፡፡

         በእቅዳችን መሰረት በመላው ሃገሪቱ ለመጀመሪያው ዙር በተመረጡ ቦታዎች ያደረግናቸው ህዝባዊ ስብሰባዎችና ሰላማዊ ሰልፎች በአባሎቻችን፤ በደጋፊዎቻችንና በህዝባችን ጠንካራ ትግልና መስዋእትነት ንቅናቄው የተሳካ ሲሆን ፓርቲያችን ለተከፈለው ዋጋ ሁሉ አድናቆቱን ይገልፃል፡፡

          በገዢው ፓርቲ ካድሬዎች በመታገዝ የፀጥታ ኃይሎች እንቅስቃሴዎቻችንን ለማጨናገፍ ከህግና ሥርዓት ውጪ ማስፈራራት፤ ማሸማቀቅ፤እስራትና ድብደባ በአባሎቻችን ላይ ሰብአዊነት በጎደለው ሁኔታ ተፈፅሞባቸዋል፡፡ የቅስቀሳ ቁሳቁስም በአካባቢ የፀጥታ ሰራተኞች ተዘርፈውብናል፡፡ እንዲሁም ህዝብ በነፃ አስተሳሰብ አማራጩን እንዳይከተል በአካባቢ ካድሬዎችና አመራሮች ማስፈራራትና ዛቻ ደርሶበታል፡፡ መርሃ ግብሩም ከተፈፀመ በኃላም ቢሆን ህዝባዊ ንቅናቄውን የተቀላቀሉ ዜጎቻችን በመኖሪያ ቀያቸው ሰርቶ የማደርና በነፃነት የመኖር መብታቸው አደጋ ላይ ነው፡፡

          በተንቀሳቀስንባቸው አካባቢዎች ሁሉ ገዢው ፓርቲ ከህዝብ የተነጠለ መሆኑንና ህዝቡን እየመራሁ ነው የሚለው ህዘብን በማሸማቀቅ እንደሆነ መገንዘብ ችለናል፡፡ ከህግ ውጭ የገጠሙን መንግስታዊ ተፅእኖዎች ሁሉ ነፃነቱን በተነፈገውና በለውጥ ፈላጊው ህዘባችን ህዝባዊ እምቢተኝነት ተልኮአችን ሊሳካ ችልዋል፡፡

          የሚሊዮኖችን ድምፅ ለማሰባሰብ እየተደረገ ያለው እንቅስቃሴም በሀገር ውስጥና በውጭ ሀገር ያሉ ዜጎቻችን በንቃትና በቁጭት የተሳተፍበት በመሆኑ አመርቂ ነው ማለት ይቻላል፡፡ ፊርማ የማሰባሰቡ መርሃ ግብር የሚቀጥል ይሆናል፡፡

          የህዝባዊ ንቅናቄው የመጀመሪያው ዙር መርሃ ግብር በመዲናችን አዲስ አበባ ከተማ መስከረም 5ቀን 2006 በሚደረገው ታላቅ ህዝባዊ ሰላማዊ ሰልፍ ይጠናቀቃል ተብሎ ይጠበቃል፡፡ ይህ ታላቅ ሰላማዊ ሰልፍ እስካሁን ካደረግናቸው ህዝባዊ ንቅናቄዎች ልዩ የሚያደርገው የ33ቱ ተቃዋሚ ፓርቲዎች ይሁንታ ያገኘና ሰላማዊ ሰልፉን በባለድርሻነት የተሳተፉበት መሆኑ ነው፡፡

           በአንፃሩ ገዢው ፓርቲ እስካሁን ካወጣቸው አፋኝ ህጎች በተጨማሪ ከቅርብ ጊዜ ወዲህ ተጠናክሮ የመጣውን ህዝባዊ የፖለቲካ ተቃውሞ የበለጠ ለመደፍጠጥ አሳሪ ደንቦች ለማውጣት የአዲስ አበባ ከተማ አስተዳደር እየተንቀሳቀሰ ለመሆኑ ከገጠመን መልካም አስተዳደር እጦት መገንዘብ ችለናል፡፡

           የአንድነት ፓርቲና የ33ቱ ፓርቲዎች በጋራ በጠሩት በዚህ ታላቅ ሰላማዊ ሰልፍ ህዝቡ በነቂስ ወጥቶ የነፃነት ድምፁን እንዲያሰማ ጥሪያችንን እናቀርባለን፡፡

  “የሚሊዮኖች ድምፅ ለነፃነት”

የአንድነት ፓርቲና የ33ቱ ፓርቲዎች

ነሐሴ 30 ቀን 2005

አዲስ አበባ

ምንጭ ፍኖተ ነፃነት ጋዜጣ

በደቡብ ኮርያ የሚኖሩ ኢትዮጵያዊያን በዛሬው እለት ደማቅ ሰላማዊ ሰልፍ በ ሰውል ኣካሄዱ።

ሰልፈኞቹ በኢትዮጵያ ውስጥ ያለውን የማያባራ የሰብዓዊ መብት ጥሰት በመቃወም በደቡብ ኮርያ ፕሬዚደንት ጽ/ ቤት ፊት ለፊት ፕሬስ ኮንፈረንስ በማድረግ የኮርያ መንግስት በኢትዮጵያ መንግስት ላይ ጫና እንዲፈጥር ተማጽነዋል። ለ ደቡብ ኮርያ ፕሬዚደንት ፓርክ  ግን-ሄ ደብዳቤም ኣስገብተዋል።

ሰልፈኞቹ  ለደቡብ ኮርያ  UNHCR  ተወካይና የሰብዓዊ መብት ኮሚሽን ደብዳቤዎችን ያስገቡ ሲሆን በኢትዮጵያ መንግስት ላይ ጫና እንዲፈጥሩ ተማጽነዋል።

ከሰልፈኞቹ መሃል ኣብዛኛዎቹ የዘማች ልጆች ሲሆኑ ባለፈው ጊዜ ለስልጠና መጥተው ገዢውን መንግስት በመቃወም ጥገኝነት መጠየቃቸው ኣይዘነጋም።

Short URL: http://www.zehabesha.com/amharic/?p=7077

የእኛ ማርቲ ሉተር ኪንግ ከየት ይሆን? ግርማ ሠይፉ ማሩ (የአንድነት ፓርቲ ምክትል ሊቀመንበር)

የቤተክርሰቲያናችን ሰባኪዎች ለመስቀል ጦርነት ተዘጋጁ የሚሉ ይመስላሉ፡፡ ይህ የመንግሰት ስራና አቅጣጫ ነው፡፡ በቤተክርስቲያን ሰብከቱ ሁሉ ማሳረጊያው ክርስቲያኖች በተለይ ወጣቶች ዓይማኖታችሁን ለመጠበቅ እሰከ ሞት ድረስ ዝግጅት እንዲያደርግ እየተሰበከ ነው፡፡ እንደ ምሳሌ እየተጠቀሰ ያለውም የግብፅ ሙስሊሞች ከጊዜ ብዛት እየበዙ ክርስቲያኖቹ ላይ ጫና እያደረጉ አሁን አናሳ ሆነው ይገኛሉ፡፡ ስለዚህ እኛም ወደፊት እንዲህ ልንሆን እንችላለን የሚል ነው፡፡ በእኔ እምነት ይህ ሊሆን የሚችለው በሀገር ውስጥ ያለው የሀይማኖት አባት በየደረጃው፤ ዲያቆን፣ ወዘተ ሀገር ለቆ እየሄደ ህዝቡም በስደት ሀገር ለቆ ወጥቶ የሰው ሀገር ሀገሬ ያለ እንደሆነ እና በተቃራኒው ሙስሊሙ ሀገሬ ብሎ በሀገሩ ከቆየ ነው፡፡ በኢትዮጵያ ሰድት በዓይማኖት ይህን ዓይነት አወቃቀር ያመጣል የሚል ዕይታ የለኝም - ይህ ለጥናት ክፍት መሆን ይኖርበታል፡፡ አንድ ጥናት ግን ኢትዮጵያዊያን ወጣቶች ሀገራቸውን ለቀው ለመሄድ ያላቸው ፍላጎት እጅግ አደገኛ ብቻ ሳይሆን የሀገሪቱንም ሰነ ህዝብ አወቃቀር (ዲሞግራፊ) እንደሚለውጠው ድምዳሜ ላይ ደርሶዋል፡፡ ይህን እያልኩ ያለሁት ኢትዮጵያዊ ሙስሊሞች ክርስቲያኑን ለማጥፋት ወይም ወደ አናሳ ለማውረድ እየሰሩ ነው የሚል ድምዳሜ ስለሌለኝ ስለማይገባኝ ነው፡፡ እንደዚህ ዓይነት ቅዥት ያላው አንድም ሰው ግን የለም ማለት አይደለም፡፡

በቅርቡ ጠቅላይ ሚኒስትር ሀይለማሪያም ደሳለኝ ወደ መንበሩ ሲመጡ ቀላል የማይባሉ የፕሮቴስታን ክርስትና ተከታዮች በደስታ ጮቤ እንደረገጡ ትዝ ይለኛል፡፡ በአንዳንዶቹ የእምነት ተቋማትም የምስጋና ፕሮግራም እንደነበር ሰምተናል፡፡ ሙስሊሞች ኢትዮጵያ ውስጥ ሙስሊም ጠቅላይ ሚኒስትር እንዲመጣ ቢመኙ መሻታቸውንም አይቶ ዓምላክ ቢሰጣቸው ክፋቱ አይታየኝም፡፡ በግሌ እኔም በእምነቱ ጠንካራ የሆነ ኢትዮጵያ ኦርቶዶክስ እምነት ተከታይ መንበሩን ቢይዝ ጮቤ ባልረግጥ እንኳን ደስ እንደሚለኝ ይሰማኛል (የቀድሞ ጠቅላይ ሚኒስትር ኦርቶዶክስ ነበሩ?)፡፡ ነገር ግን እነዚህ ቦታዎች የሚያዙበት መስመር ሰዎች ባላቸው የፖለቲካ አመራር እና ሌሎችን እምነቶች በእኩል ለማስተዳደር ባላቸው ብቃት እና የሁሉንም ይሁንታ ሲያገኝ ነው እንጂ በእምነት ተቋማቱ በኩል ተወክለው ሲመጡ አይደለም፡፡ ለምሳሌ የአንድነት ፓርቲ ሊቀመንበር ዶክተር ነጋሶ ጊዳዳ ሲሆኑ የፓርቲ ፕሮግራም ለማስፈፀም ካላቸው ቁርጠኝነት ብቻ ነው እንጂ ፕሮቴስታን መሆናቸውን ያሰበውም የለም፡፡ መሆን ያለበትም እንዲህ ነው ብዬ ነው የማምነው፡፡ ሌላ ምሳሌ ልስጥ ባራክ ኦባማ ለአሜሪካ ፕሬዝዳንት ሲሆኑ አብዛኛው ጥቁር ደስ ብሎታል በተለምዶ የሪፐብሊካን ፓርቲ ደጋፊ የነበሩ አንድ አንዶችን ጨምሮ ኦባማ ግን የጥቁር ብቻ ሳይሆን የሁሉም አሜሪካ ፕሬዝዳንት ናቸው፡፡ ስለዚህ የኢትዮጵያ ሙስሊሞች ሙስሊም ጠቅላይ ሚኒስትር ለማየት ቢፈልጉ ክፋት የቱ ጋ እንደሆነ አይገባኝም፡፡ ይህን በጉልበት በተለይም ሌሎች ክርስቲያኖችን በማጥፋት እናድርገው እያሉ ከሆነ መረጃ ይሰጠን እና አብረን እንታገላቸው፡፡ ምክንያቱም ይህ የእልውና ጉዳይ ነው፡፡ እኔ እንደ ክርስቲያን ብቻ ሳይሆን እንደ ሰው መጥፋት አልፈልግም፡፡ ይህ ነገር ካለ በእውነት ኢትዮጵያ ውስጥ አክራሪነት አለ ብለን ልንስማማ እንችላለን መፍትሔም በጋራ መፈለግ አለብን ብዬ አምናለሁ፡፡ መሰመር ያለበት እብድ የለም እያለን እንዳልሆነ ነው፡፡

የዛሬ ፅሁፌ መነሻዬ መግቢያዬ ላይ እንዳነሳሁት በእኛ ቤተክርስቲያ ለእምነት ዘብ ቁሙ በሚል የተቀባ መርዝ እየሸተተኝ ስለሆነ ነው፡፡ በዚሁ አጋጣሚ ማለት የምፈልገው የአሜሪካዊው የሰብዓዊ መብት መከበር ጀግና የነበረው ማርቲን ሉተር ኪንግ “ዕልም አለኝ” የሚለውን ንግግር ያደረገበት አምሳኛ ዓመት የሚከበርበት ወቅት ጋር በመገጣጠሙ የእኛ ማርቲን ሉተር ኪንግ ማን ነው ማለት ፈለግሁ፡፡ ኪንግ ክርስቲያን ብቻ ሳይሆን የወንጌል አስተማሪ (ፓስተር) የነበረ ነው፡፡ አደባባይ ወጥቶ በሊንከን መታሰቢያ ላይ ቆሞ “ዕልም አለኝ” የሚለውን ንግግር ከማድረጉ በፊት ህዝቡን ያስተምርና ለመብቱ እንዲቆም ይሰብክ የነበረው በቤተ ክርስቲያን ውስጥ ነው፡፡ መፅሐፍ ቅዱስን እየጠቀስ ስብዓዊ መብት በቀለም፣ በዘር፣ በሀይማኖት ተለክቶ የሚሰጥ ሳይሆን ሰው በመሆ ብቻ የሚገኝ ከፈጣሪ የተሰጠ የተፈጥሮ መሆኑን ነው፡፡ የእኔ ጥያቄ የሚሆነው አሁን ክርስትናን ከጥፋት ለመከላከል ዘብ መቆም ሳይሆን ሁሉም ኢትዮጵያዊ ሰብዓዊ መብቱ እንዲከበርለት የወንጌል መምህራን እንደ ማርቲን ሉተር ኪንግ አውነትን እንዲጋፈጡ እና ከመንግሰት የሚላክላቸውን አጀንዳ ማራመድ ሳይሆን የኢትዮጵያ ህዝብ ሰብዓዊ መብት እንዲከበር መስበክ ይኖርባቸዋል፡፡ እውነት ነው የወንጌል ሰባኪዎች በተዘዋዋሪ መንግሰትን ይተቻሉ፡፡ እኔ እያልኩ ያለሁት በግልፅ የኢትዮጵያ ህዝብ ስብዓዊ መብት መከበር ከቁስ ዕድገት መቅደም እንዳለበት ለሀይማኖት መሪዎችና ወንጌል ሰባኪዎች መንገር ድፍረት ነው የሚሆነው፡፡ ስብዓዊ መብቱ ያልተከበረለት ህዝብ መንፈሳዊ ህይወቱ ይጎለብታል ቢሉኝ ለማመን አልችልም፡፡ መንፈሳዊ ህይወት ቦታው ሰው ነው፡፡ ሕንፃ አይደለም፡፡ ቁስዊ ጥቅም ግን የሰብዓዊ መብት መከበር ሳይሆን ይልቁንም እንደዚህ ዓይነት ልዕልናዎችን ማጣት የበለጠ ቅርብ ያደርገዋል፡፡ በሀገራችን ኢትዮጵያ የልኑርበት፣ ፖለቲካና ኮረንቲ፣ ዓይማኖትና ፖለቲካ፣ ወዘተ የሚባሉ አደንዛዥ ቃላት የተበራከቱት ለዚህ ነው፡፡ ለዚህ ደግሚ በሁሉም መስመር ያሉ ሰባኪዎች ሚና አላቸው፡፡ ሰባኪዎቻችንም እራሳቸው የልኑርበት ልዕልና ላይ ስለሚገኙ ብቻ ሳይሆን በተገኘው አጋጣሚ መንጋውን በትነው በስደት ስለሚኖሩ ጭምር፡፡

ከኢትዮጵያ ወንጌላዊያን ውስጥ የኢትዮጵያ ህዝብ አሁን ባለብት ሁኔታ በከፍተኛ ደረጃ ሰብዓዊ መብቱ እየተደፈረ መሆኑን፤ ማንም ስው ወንጀለኛም ቢሆን (መሳሪያ ይዞ ሲታኮስ ካልሆነ በስተቀር) በመንገድ ላይ ሲገደል ገዳዩን (መንግሰትንም ጭምር) በይፋ ወንጀል መሆኑን፤ ለመናገር ድምፅ የሚያሰማ ማን ይሆን፡፡ ማን ነው የእኛ ማርቲን ሉተር ኪንግ የሚሆነው፡፡ የእኛ ወንጌላዊያን ክርስትና የሚስፋፋው በወንጌል ማስፋፋት ቅድሚያ የሚሰጠው ልጆችን በእምነት ኮትክቶ በማሳደግ መሆኑ እንድንረሳ አድርጎ ሙስሊሞች ሊያጠፉን ነው ወደሚል ሃሳብ እንድንሳብ እና ለዚህም እሰከ ሞት የሚደርስ መስዋዕትነት እንድንከፍል የምንጠየቀው ለምን እንደሆነ አልገባኝም፡፡ እኛ ለእምነታችን ዘብ ስንቆም ሙስሊሞቹም ዘብ እንደማይቆሙ የምናስብ ከሆነ ተሳስተናል፡፡ ሁለት ቡድኖች በተጠንቀቅ ከሆኑ አንድ እብድ በሚለኩሰው የግል ወይም የሰፈር ፀብ የሁለት ትልልቅ ቡድኖች ጦርነት እንደማያድ ማረጋገጥ አይቻለም፡፡ የዚህም ጦርነት ጦስ ሀገራችን ኢትዮጵያ የእኔ ብቻ ነች ከሚል አስቀያሚ በድነኝነት ወደ የማንም የማትሆን ምድረበዳ ሀገር ማድረግ ነው የሚሆነው፡፡ ወይም አሰታራቂ ነኝ ለሚል ከፋፍሎ ለሚገዛን እራሳችንን ማዘጋጀት፡፡ አንድ መውጫ ነገር ልበል ኢትዮጵያ ሀገራችን በቅዱስ መፅኃፎች የሚገዙ ግለሰቦች እንጂ ሀይማኖታዊ መንግሰት እንደማይስፈልገን፣ የሙስሊም ወይም የክርስቲያን ብራዘርሁድ ፓርቲ እንደማያስፈልገን ማስመር የግድ ነው፡፡ ቸር ይግጠመን፡፡ መልካም አዲስ ዓመት፡፡ ሀገራዊ ዕርቅ የሚሰፍንበት ከጥላቻ ፖለቲካ የምንገላገልበት ዓመት እንዲሆን ምኞቴ ነው፡፡ የድርሻዬን ለመወጣት ዝግጁ ነኝ፡፡

source Millions of voices for freedom - UDJ